طباعة

شــورى مهببـة

Posted in المجتمع

* رجل وقور جاوز السبعين :

- ياناس كفايه شماته حرام عليكوا .. دي في الآخر حاجتنا مش حاجة الحكومه .. والمجلس ده ها يتبنى على حسابنا ومن دم الغلابه اللي زينا

* يرد عليه رجل أقل وقارا وهو في منتصف العمر :

- همّا حرقوه علشان يتاووا أوراق ممدوح اسماعيل وشركة هايدلينا وبلاوي كتير زرقا

* يستطرد شاب في أول العمر في تساؤل يخلو من البراءة:

- هي ليه حرايق الحكومه دايما تجيب الموضوع لآخره وما تنطفيش إلا لو جابت آخر حته في المبنى ؟ .. دي حكومه جايبه جاز.

* ترد عليه سيده محترمه جدا :

-إحنا ها نفضل بالسلبيه دي في كل حياتنا ؟! .... واقفين تشمتوا وتشتموا في الحكومه وأموالكم بتتحرق قدام عينيكم والآخر تولولوا زي العواجيز الخايبه !!!!.

* مراسله في أحد القنوات الفضائية تسأل شابا متدينا :

-إيه رأيك ؟

- ده غضب ربنا علينا علشان ما بناخدش بمبدأ الشورى الحقيقي في الإسلام

* ثم تسأل مراسلة أخرى أحد أعضاء كفايه المعروفين فقط لأصدقائهم :

- وانت شايف إيه ؟

- شايف ان مصر من غير مجلس الشورى ومجلس الشعب تبقى أجمل وأحسن , لأن المجلسين دول رمز لتزوير إرادة الشعب , وهما دراع الحكومة ووسيلتها لتمرير كل القرارات والقوانين اللي بتخنق الناس , فاكره قانون رفع الأسعار , وقرارات تمديد الطوارئ 27 سنه , وتعديل الدستور , وتعديل تعديل الدستور , وغيرها وغيرها , فاكره الموافقه والإجماع ؟ .. فاكره ترزية القوانين اللي قاعدين ليل نهار في المجلس ده واللي جنبه يشوفوا ازاي يمكنوا الحكومه تمسك رقبة الناس ؟ .... فاكره قهر المعارضه الشريفه ؟ .... مش كل ده بيتم في المجالس دي ؟ ... طب عمرك شفتيهم ضغطوا على الحكومه أو سحبوا الثقه منهم ؟ ... ياريت يوفروا مصاريفهم ومرتبات الأعضاء والموظفين .. ويطرحوا المباني بتاعتهم للبيع ودي تجيب مليارات دلوقتي بشرط انها تتباع بذمه .

- لكن هل ممكن تبقى بلد من غير مجلس شورى ومجلس شعب ؟

- مادام مالهمش وظيفه يبقى كفايه علينا مجلس الوزرا ومقر الحزب الوطني ولجنة السياسات والأهم من دا كله مبنى الرئاسه (وهنا انقطع الإرسال قبل أن يكمل الناشط في حركة كفايه كلامه) 

* متعلقات من أرشيف مواطن مصري لم يدركه عته الشيخوخه :

·        مقتل ثلاثة أشخاص

·        وإصابة 18 بحريق في سجن مصري

· حريق يلتهم حيا فقيرا بقلب القاهرة

· السجن عشر سنوات لثمانية مسؤولين بحريق مسرح مصري

· مقتل 29 على الأقل في حريق بني سويف بمصر

· التدافع ضاعف خسائر حريق مسرح بني سويف بمصر

* تتوالى تعليقات موقع الجزيره دوت نت , ننشرها دون حذف الأسماء هذه المره نظرا لضيق الوقت والصدر (وهمّا ونصيبهم) :

FacebookMySpaceTwitterDiggDeliciousStumbleuponGoogle BookmarksRedditNewsvineTechnoratiLinkedinRSS Feed